Халима Якобтың Астанаға сапары аясында бірқатар құжатқа қол қойылды

Сингапур президенті Халима Якобтың Астанаға мемлекеттік сапары аясында бірқатар құжатқа қол қойылды. Бұл туралы Ақорда хабарлады.

Қол қойылған бірлескен құжаттар:

1. Қазақстан Республикасы мен Сингапур Республикасы арасындағы қызметтер саудасы және инвестициялар туралы келісім;

2. Қазақстан Республикасының үкіметі мен Сингапур Республикасының үкіметі арасындағы Орталық Азия елдері (С5) мемлекеттік қызметшілері үшін әлеуетті арттыру бағдарламасы шеңберіндегі ынтымақтастық жөніндегі өзара түсіністік туралы меморандум;

3. «Астана» халықаралық қаржы орталығы мен Enterprise Singapore арасындағы ынтымақтастық туралы келісім;

4. QazTrade сауда саясатын дамыту орталығы» АҚ мен Enterprise Singapore арасындағы өзара түсіністік туралы меморандум.