Қазақстан мен Түркия астаналары арасындағы ұшу рейстері жиілейді. Бұл туралы индустрия және инфрақұрылымдық даму министрлігі хабарлады.
ИИДМ азаматтық авиация комитеті қазақстандық авиакомпаниялармен бірлесіп, халықаралық рейстер санын ұлғайту және ұшу географиясын кеңейту бойынша жұмыс жүргізіп жатыр.
2023 жылғы 23 мамырдан бастап Fly Arystan авиатасымалдаушысы Airbus – 320 үлгісіндегі әуе кемелерімен аптасына екі рейс жиілігімен (сейсенбі, сенбі) Астана — Анкара бағыты бойынша тікелей тұрақты жолаушылар рейстерін ашуды жоспарлап отыр. Қазақстан мен Түркия арасындағы рейстер санының артуы елдер арасындағы сауда-экономикалық, туристік және мәдени ынтымақтастықты одан әрі дамытуға ықпал етеді, — делінген хабарламада.
