Қазақ ұлттық аграрлық университетінің ректоры Ақылбек Күрішбаев негізгі қызметімен қоса ұлттық ғылым академиясының вице-президенті қызметіне тағайындалды.
Бұл туралы қазақ ұлттық аграрлық зерттеу университетінің баспасөз қызметі хабарлады.
Ең алдымен, бұл Ақылбек Қажығұлұлының отандық ғылым мен білім саласының көрнекті өкілі, ірі ғалым, белгілі қоғам және мемлекет қайраткері ретінде сіңірген еңбегінің бағалануы. Біз құрамында ғалымдардың ең озық өкілдері топтасқан республикалық ғылыми бірлестіктің вице-президенті лауазымында А.Қ.Күрішбаев өзінің бай тәжірибесі мен ұйымдастырушылық қабілеттерін еліміздің ғылыми әлеуетін арттыруға, ғылым мен білімді жаңғыртуға арнайды деп сенеміз. Мемлекет басшысының жоғары сеніміне ие болған Ақылбек Қажығұлұлын шын жүректен құттықтай отырып, оған алдағы уақытта да шығармашылық өрлеу және аграрлық ғылымды дамытуда жаңа табыстар тілейміз!, — делінген хабарламада.
