Президент жарлығымен Марат Қарабаев ҚР индустрия және инфрақұрылымдық даму министрі лауазымына тағайындалды. Бұл туралы Ақорда хабарлады.
2008 жылы Ташкент автомобиль-жол институтын «ғимараттар мен құрылыс салу» мамандығымен бітірген.
2010 жылы «Болашақ» бағдарламасы бойынша Уорвик (Ұлыбритания) университетін «Өндірісті-жүйелік инженерия» мамандығы бойынша үздік аяқтаған.
2015 жылы М.Х. Дулати атындағы Тараз мемлекеттік университетінің «Экономика» мамандығын тәмамдаған.
2011 жылғы қаңтар-тамыз аралығында ҚР ауыл шаруашылығы министрлігі су ресурстары комитетінің тағылымдамашысы, сарапшысы;
2011-2013 жылдары ҚР индустрия және жаңа технологиялар министрлігі технологиялар және энергия үнемдеу департаментінің сарапшысы, бас сарапшысы;
2013 жылғы наурыздан қарашаға дейін ҚР көлік және коммуникациялар министрлігі транзиттік және көліктік логистика департаменті транзиттік саясат басқармасының басшысы;
2013-2014 жылдары ОҚО әкімдігі жанындағы «Максимум» өңірлік инвестициялық орталығы» ЖШС басқарма төрағасының кеңесшісі;
2014-2015 жылдары Оңтүстік Қазақстан облысының кәсіпкерлік, индустриялық-инновациялық даму және туризм басқармасы басшысының орынбасары;
2015-2017 жылдары Оңтүстік Қазақстан облысының кәсіпкерлік, индустриялық-инновациялық даму және туризм басқармасының басшысы;
2018-2020 жылдары ҚР индустрия және инфрақұрылымдық даму министрлігінің қорғаныс-өнеркәсіп кешенін дамыту департаментінің директоры, 2019 жылғы маусымда департаменттің функциялары цифрлық даму, қорғаныс және аэроғарыш өнеркәсібі министрлігінен берілді;
2020-2021 жылдары ҚР ИИДМ индустриялық даму комитетінің төрағасы;
2021-2023 жылдары Қазақстан Республикасы индустрия және инфрақұрылымдық даму вице-министрі;
2023 жылғы қаңтардан бастап Қазақстан Республикасы индустрия және инфрақұрылымдық даму министрі.
