1 сәуірде Алматының таулы аймақтарында аяз болады. Бұл туралы Алматының төтенше жағдайлар департаменті хабарлады.
ТЖД мен «Қазгидрометтің» ескертуі бойынша, Алматы тауларында қатты жауын-шашын болады, желдің екпіні секундына 17-22 метрге, кей жерлерде секундына 30 метр және одан да көп болуы мүмкін. 1 сәуірде түнде 1-6 градус аяз болады.
Алматының төтенше жағдайлар департаменті осыған байланысты қала тұрғындары мен қонақтары таулы аймақтарда серуендеуден бас тартуы керек екенін ескертеді.
Сонымен қатар тауда жүрген туристерден барлық қауіпсіздік шараларын сақтауды сұраймыз! Көмек қажет болса, мына телефондарға хабарласыңыз: 112, 109 немесе 8 (727) 372 -15-60, — делінген хабарламада.
