БАҚ-та журналист Михаил Козачковтың шартты мерзімге сотталғаны туралы ақпарат пайда болды.
Михаил Козачковтың адвокаты Елена Жигалёнок бұл ақпаратты растады.
Алматы гарнизонының әскери сотының үкімімен Михаил Козачков кінәлі деп танылып, шартты түрде 3,5 жылға сотталды. Ол қылмыстық кодекстің 147 және 274-баптары бойынша сотталды. Журналистік зерттеулерді дайындау кезіндегі кәсіби қателіктері үшін деп те айтуға болады, — деді Елена Жигалёнок.
Бірақ адвокат қаржылық мониторингі агенттігінің тергеу-жедел тобы Козачковтың Елдос Қоспаевтың ұйымдасқан қылмыстық тобының қызметіне ешқандай қатысы жоқ екенін, рейдерлікке қолғабыс ету айыптары алынып тасталғанын анықтағанын да нақтылады. Сондықтан Козачковқа қатысты 249 және 262-баптар бойынша қылмыстық іс оңалту негіздері бойынша тоқтатылған.
Еске салайық, 2022 жылғы 18 желтоқсанда қаржы мониторингі агенттігі Kozachkov offside Telegram-каналының авторы және «Время» газетінің журналисі Михаил Козачковтың қамауға алынғанын, оны «Елдос Қоспаев ұйымдасқан қылмыстық топқа көмектесті» деген күдікке ілінгенін хабарлаған еді.
Ал 2022 жылғы 20 желтоқсанда журналист екі айға қамалған еді. 2023 жылғы 30 қаңтарда журналисті қамауда ұстау мерзімі 18 наурызға дейін ұзарды. 19 ақпанда Михаил Козачков үй қамаққа ауыстырылды.
