Астана мәслихатының депутаттарын сайлау қорытындысы жарияланды.
Астана қалалық аумақтық сайлау комиссиясының төрағасы Бахыт Бектемісова ұсынған дерек бойынша, елордада 788 931 сайлаушы тіркелген, оның ішінде 332 694 адам дауыс беруге келген.
Комиссия қорытындысына сәйкес, мәслихат сайлауына қатысқан партиялар сайлаушылар даусын былай бөліскен:
1. Amanat партиясы – 68,78% немесе 227 307 адам дауыс берді;
2. «Ауыл» халықтық-демократиялық партиясы – 0,65% немесе 2 197 адам дауыс берді;
3. Respublica партиясы – 1,63% немесе 5 401 адам дауыс берді;
4. Қазақстан халық партиясы – 5,12% немесе 18 174 адам дауыс берді;
5. «Байтақ» жасылдар партиясы – 5,49% немесе 18 154 адам дауыс берді;
6. «Ақ жол» Қазақстан демократиялық партиясы – 19,96% немесе 56 045 адам дауыс берді;
Ал 3 269 адам «Бәріне қарсымын» бағанын таңдаған.
Бес және одан да көп процентін алған саяси партиялар үшін мандаттар былай бөлінді: Amanat партиясы – 12 мандат, Қазақстан халық партиясы – 1 мандат, «Байтақ» жасылдар партиясы – 1 мандат, «Ақ жол» Қазақстан демократиялық партиясы – 3 мандат, — деді Бахыт Бектемісова.