Еліміздегі сегіз жоғарғы оқу орыны әлемнің үздік университеттерінің пәндік рейтингіне енді. Бұл туралы ғылым және жоғары білім министрлігі хабарлады.
22 наурызда жарияланған Кью Эс Уорлд Юниверсити Ранкинг бай Сабжект ( QS World University Rankings by Subject) қорытындысы бойынша қазақстандық университеттердің топ-100 пәндік рейтингісі екі есе өскен.
Бұл тізімде Л.Н. Гумилев атындағы Еуразия ұлттық университеті, Сәтпаев университеті, әл-Фараби атындағы қазақ ұлттық университеті, Абылай хан атындағы қазақ халықаралық қатынастар және әлем тілдері университеті, Қожа Ахмет Яссауи атындағы халықаралық қазақ-түрік университеті, қазақ ұлттық аграрлық зерттеу университеті бар.
