Қасым-Жомарт Тоқаев Қазақстан Республикасы мәжілісі мен жергілікті мәслихатты сайлауға дауыс берді. Бұл туралы Ақорда хабарлады.
Мемлекет басшысы әл-Фараби атындағы Оқушылар сарайында орналасқан сайлау учаскесіне барып, Қазақстан Республикасы мәжілісі мен жергілікті мәслихатты сайлауға дауыс берді.
Еске салайық, Қазақстанда мәжіліс пен мәслихатты сайлау басталды.
Сайлауға жеті саяси партия қатысып жатыр. Бұл ретте Қазақстанда бір мандатты округтер бойынша 609 кандидат ұсынылды, оның 525-і өзін-өзі ұсынушылар.