18 наурыз мәжілісті және мәслихаттар депутаттарын сайлау қарсаңында тыныштық күні болып жарияланды. Бұл күні кез келген үгіт-насихат заңсыз болып есептеледі.
«Қазақстандағы сайлау туралы» заңға сәйкес, сайлау болатын күнi және оның қарсаңындағы күнi кез келген үгiтке тыйым салынады. Яғни, телеарнадан сайлауалды роликтер көрсетілмейді, көшеде үндеу парақтары таратылмайды, сайлаушылармен кездесу өткізбейді.
Еске салайық, Қазақстанда мәжілісті және мәслихат депутаттарын сайлау 2023 жылғы 19 наурызда өтеді. Мәжіліс 98 депутаттан тұрады (бұған дейін 107 еді), оның 69-ы партиялық тізім бойынша, ал 29-ы бір мандатты округтер арқылы таңдалады.
Сайлауға жеті партия Amanat, «Ақ жол», Қазақстан халық партиясы, «Ауыл», Қазақстанның жалпыұлттық социал-демократиялық партиясы, «Байтақ» және Respublica қатысады.
