Бүгін Қасым-Жомарт Тоқаевтың төрағалығымен Қазақстан Республикасы қауіпсіздік кеңесінің кезекті отырысы өтті.
Бұл туралы Ақорда хабарлады.
Жиында 2021-2025 жылдарға арналған ұлттық қауіпсіздік стратегиясын жүзеге асыру аясында қабылданған ұлттық қауіпсіздікке төнетін қатерлердің алдын алу жөніндегі іс-қимыл жоспарының орындалу мәселелері қарастырылды.
Отырыс барысында премьер-министрдің бірінші орынбасары Роман Скляр баяндама жасады, сонымен қатар бірқатар мүдделі мемлекеттік орган басшылары мәлімет берді.
Мемлекет басшысы қазіргі жағдайда сын-қатерлер мен ұлттық қауіпсіздікке төнетін қауіпке объективті баға беріп, тиісті шараларды әзірлеу қажет екенін айтып өтті.
Жиын соңында ұлттық қауіпсіздікке төнетін қатерлердің алдын алу және ұлттық мүддені қорғау жүйелерінің тиімділігін арттыруға бағытталған шешімдер қабылданды.
