Ұлттық қауіпсіздік комитеті есірткі заттарының ірі партиясын Қазақстанға кіргізу әрекетінің жолын кесті. Бұл туралы ұлттық қауіпсіздік комитетінің баспасөз қызметі хабарлады.
2023 жылғы 6 наурызда Түркістан облысы Сарыағаш ауданы аумағының «Жібек жолы» өткізу пунктінде шекара наряды шетел азаматы мінген автокөлікті тоқтатқан.
Көлікті тексеру барысында жанармай құятын бөлігінде жасырылған 14 келіге жуық есірткі және психотроптық заттар табылды. Оның ішінде: бес келі 290 грамм героин, 792 грамм апиын және бес келі 335 грамм гашиш, сонымен қатар бір келі 962 грамм синтетикалық есірткі, — делінген хабарламада.
Материал қылмыстық кодекстің 297-бабы 3-тармағы бойынша соталды тергеудің бірыңғай тізіліміне тіркелді. Өзге ақпарат тергеу мүддесінде қылмыстық кодекстің 201-бабына сәйкес жарияланбайды.