Қазақстан аумағының 72%-ін қар басып жатыр, 10 өңірде су тасқыны болуы мүмкін. Бұл туралы «Қазгидромет» метеорологиялық қызметі хабарлады.
Синоптиктер республиканың қай өңірлеріне су басу қаупі төніп тұрғанын жариялады.
Қауіп-қатер жоғары өңірлер:
Қарағанды, Ақмола, Солтүстік Қазақстан, Қостанай, Ақтөбе, Батыс Қазақстан, Шығыс Қазақстан, Абай, Алматы және Жетісу облыстары.
Қауіп-қатер орташа өңірлер:
Павлодар, Атырау және Ұлытау облыстары.
Қауіп-қатер төмен өңірлер:
Түркістан, Жамбыл, Қызылорда және Маңғыстау облыстары.
Қарағанды (Нұра өзенін қоспағанда), Ұлытау, Ақмола (Жабай өзенін қоспағанда), Ақтөбе, Батыс Қазақстан және Атырау облыстарындағы ылғал қорының көлемі орташа көпжылдық мәннен 13-44%-ке төмен.
Солтүстік Қазақстан және Қостанай облыстарында орташа көпжылдық мәннен 37%-ке және 74%-ке жоғары. Қазіргі уақытта қар жинау процесі жалғасып жатыр.
