2022 жылы Қазақстан мен Қытай арасындағы сауда деңгейі 34%-ке өсті. Қазақстаннан Қытайға экспортталған негізгі тауар ішінде мұнай мен металл, ал импорт бойынша смартфон мен компьютер бар.
Бұл туралы Еnergyprom.kz хабарлады.
2022 жылғы қаңтар-желтоқсанда Қазақстан мен Қытай арасындағы тауар айналымы 24,1 миллиард доллар болды. Бұл бір жыл бұрынғыдан 34,1%-ке артық, — деп жазылған зерттеуде.
Қазақстаннан экспорт бір жылда 34,7%-ке өсіп, 13,2 миллиард доллар болды. Қытайдан Қазақстанға импорт бір жылда 33,5%-ке өсіп, 11 миллиард доллар болды.
Қазақстанның Қытайға экспортының негізгі санаттарының ішінде шикі мұнай мен мұнай өнімдері, тазартылған мыс және мыс қорытпалары, табиғи газ бірінші орында тұр.
Сонымен қатар Қытайдан Қазақстанға импортталған негізгі тауарлар арасында телефондар мен смартфондар, сонымен қатар компьютерлер, киім-кешек, шиналар мен автокөлік бөлшектері бар, — делінген хабарламада.
