Бұл туралы губернатордың міндетін атқарушы Осман Бильгин мәлімдеді.
Қазіргі кезде адам болуы мүмкін деген соңғы сегіз үйде іздестіру жұмыстары жүргізіліп жатыр.
Біз үлкен апатты бастан кешірдік. Қала құрылысы министрі Куруммен бір шешімге келді. Үйіндінің бәрін жинаймыз, қаланы толығымен бұзамыз, 100%-ке сүріледі. Бір ғана қираған үйдің астынан 150 адам шықты. Барлығы қайтыс болған. Біз қаланы жаңадан салып шығамыз, — деді Бильгин.
Түрік бұқаралық ақпарат құралдарының мәліметінше, қала халқының саны кем дегенде 40 мың адам болған, 12 617 үй тұруға жарамсыз деп танылды.
Еске салайық, 6 ақпанда Түркияның оңтүстік-батысында 7,7 магнитудалы қатты жер сілкінісі болды. Соңғы ақпаратқа сәйкес, 31 мыңнан астам адам қайтыс болды.
