Қала әкімімен кездесуде Әуезов ауданының тұрғыны Абай даңғылының Әшімов көшесінен Момышұлы көшесіне дейінгі бөлігінде қоғамдық көліктерге басымдық беруді сұрады.
Ерболат Досаев көлік басқармасы басшысынан қазіргі жағдай қалай екенін сұрады.
Абай даңғылы бойында арнайы жолақ тек Момышұлы көшесіне дейін бар. Сосын бұл — жаңа учаске, қоғамдық көліктер үшін жолақ жоқ, — деді көлік басқармасы басшысы.
Басқарма басшысы алдағы уақытта қоғамдық көліктердің жұмысын жақсарту үшін арнайы жолақ бөлуге болатынын айтты.
Осыны қарастырып, ұсынысқа енгізіңіз. Жолақты көшенің оң жағына да, сол жағына да, батыс-шығыс бағытта Абай даңғылы бойымен соңына дейін жеткізейік, — деп тапсырды әкім.
Айта кетейік, қала әкімі Әуезов ауданы тұрғындарымен кездесті.
