Алматыдағы электр желілерінің 60%-тен астамы тозған

Алматыда су, жылу, электр энергиясы желілері мен қорлары тозған. Бұл туралы Алматының энергетика және сумен қамту басқармасының бөлім басшысы Нұрбақыт Серікбай айтты.

Алматыда сумен жабдықтау және су бұру салаларындағы желілер мен қорлардың 50%-тен астамы, жылу және электр энергиясымен жабдықтау желілерінің 60%-тен астамы тозған.

Апат тіркелген жоқ, дегенмен жабдықтың тозуы салдарынан 2015 жылдан бастап жылу энергетикасы саласында қондырғылар істен шыққан, I және II дәрежелі ақаулар пайда болды. 2017 жылдан бері істен шыққан жабдықтардың саны қысқарып келе жатқанына қарамастан, аталған фактілер өзгеріссіз қалып отыр, — деді Нұрбақыт Серікбай өңірлік коммуникациялар қызметінде өткен брифингіде.

Сала мамандары желілер тозғанымен, тариф көтерілмегенін атап өтті. Сумен жабдықтау және су бұру салалары халыққа 2019 жылғы тарифпен қызмет көрсетіп келеді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз