Біздің ресми өкіліміз Астана ХҚКО-ның бірінде Respublica партиясының тіркеу құжаттарын қолына алды. Енді біз – еліміздің жаңа, ресми тіркелген саяси күшіміз! Бұл ұзақ апталар мен айлап күткен және бірнеше рет тіркеуге жіберілмеген сәтсіздіктерден кейінгі ортақ жеңісіміз! Алайда бұл сынақ бізді тек ғана күшейтті, — деп жазды Айдарбек Ходжаназаров.
Оның айтуынша, партияның тең төрағалары – Сырымбек Тау, Руслан Берденов, Максим Барышев, Динара Шукижанова, Қуаныш Шонбай, Бейбіт Әлібеков және Нұрлан Қоянбаев.
Бүгіннен бастап біз партияның қызметін еліміздің әрбір өңірінде толық көлемде ресми түрде жүргізуге құқылымыз. Болашақ біздің қолымызда, ағайын!, — деп қорытындылады сөзін Ходжаназаров.
Былтыр қараша айының соңында «Байтақ» партиясы мемлекеттік тіркеуден өткен болатын.⠀
Осылайша Қазақстанда барлығы 7 саяси партия тіркелген:
- Amanat партиясы;
- «Ақ жол» демократиялық партиясы;
- Қазақстан халық партиясы;
- «Ауыл» партиясы;
- Жалпыұлттық социал-демократиялық партиясы;
- «Байтақ» жасылдар партиясы;
- Respublica партиясы.
