2023 жылғы бөлінген жалпы квота саны еліміздегі жұмыс күшінің 0,24%-і немесе 22,2 мың деп белгіленді. 2023 жылы ШЖК-ны жұмысқа тарту бойынша 4 санатта квота бөлінді:
- бірінші санат — 949 рұқсат (басшылар және олардың орынбасары),
- екінші санат — 5 313 рұқсат (құрылымдық бөлімшелердің басшысы).
Рұқсаттардың негізгі бөлігі үшінші (мамандар) және төртінші (білікті жұмысшылар) санаттарға берілген – тиісінше 10 818 және 2 100. Сонымен бірге маусымдық жұмыстарға 3 080 жұмыс күшін тарту жоспарланып жатыр.
2023 жылы үй шаруашылықтарында жұмыс істеу үшін еңбек иммигранттарды тартуға арналған квота республикадағы жұмыс күшінің санына қатысты 3,2% немесе 296,7 мың мөлшерінде белгіленген, — делінген хабарламада.
Ведомства мәліметінше, 2022 жылы жергілікті атқарушы органдар жұмыс берушілерге шетелдік жұмыс күшін тарту үшін 13,4 мың рұқсат берді және ұзартты, бұл қайта бөлінген квотаның 63,5%-іне (21,1 мың) тең.
2022 жылы үй шаруашылықтарында жұмыс істеу үшін еңбек иммигранттарын тартуға 300 мың квота белгіленді. Ал жергілікті атқарушы органдар 272 002 рұқсат берді. Қазір Қазақстан аумағында жергілікті атқарушы органдардың рұқсаты бойынша 13 951 шетел азаматы жұмыс істейді, — делінген хабарламада.
