Бұл бастаманы Швейцариядағы Базель бейбітшілік кеңсесі ғылыми-зерттеу институтының директоры Алин Варе көтерген. Антиядролық қозғалыс белсендісі бұл жаңалығымен фейсбуктегі парақшасында бөлісті.
«Биыл мен Кәріпбек Күйіков пен ҚР Президенті Назарбаевты ядролық қаруды жоюдағы ерен күш-жігері үшін Нобель сыйлығына ұсындым», — деп жазды Варе.
Назарбаев пен Күйіковті Нобель сыйлығына ұсыну туралы ұсыныс шотландиялық саясаткер Билл Киддтен де түскен.
Алин Варе келтірген сілтемедегі сыйлыққа үміткерлер шорт-парағында Нұрсұлтан Назарбаевтың Қазақстанның көшбасшысы ретінде 22 жыл бойы ядролық қарусыздану саласында бірқатар маңызды бастама көтергені айтылған.
