Ресми мәліметке сәйкес, қараша айының басынан бері республика бойынша коронавирусты жұқтырған адамдардың саны өсіп келеді.
Тәулігіне 235 (КВИ+) науқас тіркеледі. Бұдан бөлек, 40 адамда КВИ- анықталып тұрады.
Кейінгі бір аптаның ішінде вирусты жұқтыру көрсеткіші 21% артты. Аптасына 1 001-1 283 жағдай тіркеледі.
Бүгінгі таңда барлық өңір – «жасыл» аймақта. Сонымен қатар 15 өңірде R көрсеткіші бірліктен жоғары, бұл инфекцияның таралуының өсуінің белгісі. Ал бас мемлекеттік санитарлық дәрігердің қаулысына сәйкес, R көрсеткіші 1-ден жоғары болса, қоғамдық орындарда бетперде тағу ұсынылады, — деді денсаулық сақтау министрі Ажар Ғиният.
Вице-премьер Алтай Көлгінов мемлекеттік органдардың басшыларына, әкімдіктерге халықты вакциналау және ревакцинациялау жұмысын жандандыруды, халық арасында түсіндіру жұмысын күшейтуді тапсырды.
