Министр зейнетақы жинағын пайдалану шегін төмендету мәселесіне жауап берді

Ұлттық экономика министрі Әлібек Қуантыров зейнетақы жинағын пайдалану үшін ең төменгі жеткілікті шегін төмендету мәселесі қарастырылып жатпағанын айтты.

Бұл мәселе күн тәртібінде тұрған жоқ. Ал жеке өзімнің көзқарасыма тоқталсам, мұндай қадамға қарсымын. Өйткені зейнетақы аударымдарын алудың бірінші толқыны бойынша есептеулер жүргізілген кезде, адамдардың тиісті жас санатын қамтамасыз ету үшін белгілі бір есептеулер жүргізілді. Сондықтан зейнетақыға қатысты ең төменгі жеткілікті шекті төмендету зейнетақы жинағын шешіп алуды ынталандыратыны түсінікті, — деп жауап берді министр сенаттың жалпы отырысынан кейін тілшілер сауалына.

Министрдің айтуынша, осының салдарынан болашақта зейнеткерлер үшін зейнетақы төлемдерінің жеткіліксіз болу тәуекелдерін айтарлықтай арттырады.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз