Әлеуметтік желіде тараған видеода жұмыс формасын киген ондаған ер адам сыртта жиналғанын көруге болады.
Жамбыл облысы әкімдігінің мәліметінше, «Қазфосфат» ЖШС (НДФЗ) жұмысшылары өздеріне қатысты айтылған өрескел мәлімдемеге байланысты жиналған. Оны айтқан қызметкер «Қазфосфат» ЖШС цифрлық трансформация бөлімінің басшысы.
Нәтижесінде зауыт аумағына 200-ден аса жұмысшы жиналып, олар жұмыскердің көпшілік алдында кешірім сұрап, жұмыстан шығарылуын талап етті. Бұл жерге облыс әкімінің бірінші орынбасары Календеров, облыс прокурорының орынбасары Ұласбекұлы және облыс ПД өкілдері, сонымен қатар аудан прокуроры мен әкімі болды. Жиналғандар алдында аудан прокуроры М.Естаев сөз сөйлеп, кәсіпорын басшылығының атқарып жатқан шараларынан хабардар етіп, тәртіпті сақтауға шақырды, — делінген хабарламада.
Қызметкер көпшілік алдында жұмысшылардан кешірім сұраған. Ол жұмыс берушінің бұйрығы бойынша, теріс негіздер бойынша жұмыстан босатылғаны айтылды.
