Сенат төрағасы Мәулен Әшімбаевтың айтуынша, Ақылбек Күрішбаев басқа жұмысқа ауысуына байланысты депутаттық өкілетін тоқтату жөнінде өзі өтініш жасаған. Орталық сайлау комиссиясы бұл өтінішті қарап, сенатқа тиісті ұсыным енгізді.
ҚР парламенті сенатының депутаты Ақылбек Қажығұлұлы Күрішбаев міндеттерін атқаруды өз еркімен босату туралы өтініш берді. Осыған орай Қазақстанның Орталық сайлау комиссиясы сіздердің назарларыңызға ҚР Конституциясының 52-бабына ҚР парламенті және оның депутаттарының мәртебесі туралы ҚР Конституциялық заңының 24-бабы 3 және 8-тармақтарына сәйкес сенат депутаты Ақылбек Күрішбаевтың өтініш беруіне байланысты оның өкілеттігін мерзімінен бұрын тоқтату туралы мәселені шешу үшін ұсыным енгізді, — деді ҚР Орталық сайлау комиссиясының мүшесі Шавкат Өтемісов.
Депутаттар аталған қаулыны қабылдады.
Айта кетейік, Ақылбек Күрішбаев елімізде жаңадан ашылатын заманауи ғылыми зерттеу институтын басқарады.
