Алматыда Нұрсұлтан Назарбаевтың қолының ізін қайдан табуға болады?
Алматыдағы Республика алаңында үлкен Алтын адамның ескерткіші бар. Дәл сол ескерткіштің төменгі жағында бұрынғы президент Нұрсұлтан Назарбаевтың қолының ізі салынған.
Кей қала тұрғыны DelPapa-ға барып, паста, равиоли, чиабатта жегенді ұнатады. Алматыда дәл осы мейрамхананың қанша филиалы бар?
Алматыда DelPapa мейрамханасының жеті филиалы бар. Суретте Назарбаев көшесі мен Қабанбай батыр көшесінің қиылысында орналасқаны.
Мына мейрамхана қалай аталушы еді?
Көктөбеде орналасқан мейрамхана Abay деп аталады.
Скафандр киген Юрий Гагарин Алматының қай көшесі бойындағы орындықта демалып отыр?
Скафандр киіп отырған ғарышкер Юрий Гагариннің скульпторы 2018 жылы пайда болды. Бұл Абай даңғылы мен Юрий Гагарин көшесі қиылысында тұр. Авторы – Азамат Қабыл және Ақылбек Шәкен.
Бұл қай өзен?
Бұл - қай уақытта келсеңіз де, салқын әрі әдемі болып тұратын Тереңқұр өзені.
Алматыдағы бұл ғимаратта бұрын кім тұрды?
Бұл – Ахмет Байтұрсынұлының Алматыда тұрған үшінші үйі. Үшеуінің ішінде сақталып қалғаны да - осы. Ол мұнда мемлекеттік қызмет атқарған кезінде, 1934-1937 жылдары тұрған. Оны осы үйден түрмеге әкетіп, «халық жауы» деп, ату жазасына кескен. Бұл үй 1994 жылдан бері музей болып жұмыс істеп тұр.
Күз келіп, жаңа оқу жылы басталды. Енді студенттер мен оқушылар кітапханаға қарай ағылады. Айтпақшы, Алматыдағы Ұлттық кітапхананың қай жерде екенін білесіз бе?
1910 жылы негізі қаланған Ұлттық кітапхана Абай даңғылы мен Абылай хан көшесі қиылысында орналасқан.
Фотодағы аллеяның қайда орналасқанын таба алдыңыз ба?
Бұл – Гагарин көшесі бойындағы аллея. Ол Төле би көшесінен бастап Жандосов көшесіне дейін созылып жатыр.
Фотодағы Алматы метрополитенінің қай станциясы?
Алматы метрополитенінде 11 аялдама бар. Фотодағы – «Байқоңыр». Ол «Мұхтар Әуезов» пен «Абай» станциясының ортасында орналасқан. Оның дизайнын әдейі Байқоңырдағы ғарыш айлағына ұқсатып жасаған.
Әнші Димаш Құдайбергеннің портреті қай мекенжайдағы қабырғаға салынған?
Қазақстандық әнші Димаш Құдайбергеннің муралы Қабанбай батыр көшесі мен Сейфуллин даңғылының қиылысында орналасқан. Бұл - автор Батыр Сәдуақасовтың салған ең алғашқы муралы.
Әлеуметтік желіде бөлісу: