Үй алудың оңай жолдары қандай?

Бүгінде жеке баспана алудың бірнеше оңай жолы бар.

Пәтер сатып алу
Фото: Scs.edu.au

Тұрғын үй құрылыс жинақ қорынан

Балалары бар жас отбасыларға, мемлекеттік қызметкерлерге мемлекеттік бағдарлама арқылы үй алуға болады. Ол үшін Тұрғын үй құрылыс жинақ қорынан алдын-ала несие алу арқылы жүзеге асырылады.

Үйді несиеге алу

Сіз алдымен пәтерді алып, ал содан кейін ипотекалық несиені төлейсіз. Бұл іске банктер, сақтандырушылар және бағалаушылар араласады. Дегенмен несиеге үй алған адамның қарызы ұзақ мерзімге созылатыны белгілі. Табыстың тұрақсыздығы, инфляция, келеңсіз жағдайлардың орнауы белгіленген уақытта несиенің төленбей қалуына әкеледі. Тұрғын үйге қол жеткізудің бұл жолы кей кезде баспаналы болудың бақытына емес, керісінше қарызға белшеден батырып, қайғылы жағдайға душар етіп жатады. Сондықтан мамандар несие арқылы баспана алуды таңдамауға кеңес береді.

Құрылысқа үлескер болу

Бұл әдіс қомақты қаражаты бар жандарға арналған. Алайда бұл сомаға қала маңынан жер алып, өз қалаыңыздағы үйді тұрғызған тиімді.

«Самұрық-Қазына» арқылы

Бұл бағдарлама бойынша тұрғын үйлер кейіннен сатып алу мақсатында жалға беріледі немесе бірден сатылады. Жалға алу мерзімі – 15 жыл. Осы мерзім аяқталған соң пәтер жалға алушының меншігіне өтеді. Бұл бағыт – жылдар бойы пәтерден пәтер қалдырмай көшіп-қонып жүрген жандар үшін таптырмас мүмкіндік. Себебі ай сайын әртүрлі пәтер иесіне ақша бергенше,  болашақ пәтеріңе ақша құйған әлдеқайда тиімді.

Бұл бағдарламаға қатысу үшін «Тұрғын үй құрылыс жинақ банкінен» төлемге қабілеттілігіңізді растайтын анықтама алу керексіз. Құжаттарды жинап, тіркеліп қойғаннан кейін үйіңізде отырып, конкурсқа электронды түрде қатысасыз. Бастысы өтініштерді қабылдау уақытына үлгерсеңіз болды.

Біздің Telegram-каналымызға жазылыңыз!