Байқоңырдан қаңтар айының соңында «Протон-М» зымыраны ұшырылады

"Протон-М" зымыраны Байқоңырдан 2016 жылдың қаңтар айының соңында ұшырылады, - деп хабарлайды Primeminister.kz ҚР Инвестициялар және даму министрлігі Аэроғарыш комитетіне сілтеме жасап.

«Қазір «Байқоңыр» ғарыш айлағында Eutelsat 9B европалық телекоммуникациялық ғарыш аппаратын ұшыру бағдарламасы аясында «Бриз-М» үдеткіш блогымен «Протон-М» зымыранын дайындау жұмыстары жалғасып жатыр. Зымыранды ұшыру 2016 жылдың қаңтар айының соңына белгіленген және бұл «Байқоңырдағы» ғарыш жылын ашады», — делінген хабарламада.

Айта кетейік, Eutelsat 9B ғарыш аппараты Францияның Eutelsat Communications спутниктік операторына тиесілі.

Дереккөзtengrinews.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз