Бұл туралы Ақорда сайты хабарлады.
Ол кездер есімде, сіздің де есіңізде болар, 90-жылдары мемлекеттер арасында бүгінгі көзқараспен қарағанда кішкене, елеусіз болып көрінетін мәселелер болған. Бірақ олар болды. 8 миллион доллар қарыз мәселесін талқылағанымыз есімде. Осындай мәселе болды, есіңізде ме? Қазір біздің ынтымақтастығымыз стратегиялық сипатта деп бекер айтқан жоқпыз. Бұл жай ғана айтылған сөздер емес, — деді Тоқаев кездесуде.
Мемлекет басшысы Ильхам Әлиевті Қазақстанда танитынын және оны қолдайтынын айтты. Осыған орай Тоқаев Әлиевті жоғары дәрежелі «Алтын Қыран» орденімен марапаттады.
Сіздің мықты беделді басшылығыңызбен Әзірбайжан Республикасының аумақтық тұтастығын қалпына келтіру жөніндегі тарихи маңызды міндет аяқталды. Қазақстан әрқашан мемлекеттердің аумақтық тұтастығы қағидатын қолдады. Әзірбайжанға қатысты бұл қазіргі заманғы халықаралық құқыққа толық сәйкес келетін әділетті қағидат. Бұл жерде тіліміз ортақ, көзқарастарымыз ортақ. Бұл болашақта біздің ынтымақтастығымызды ілгерілетуге жақсы негіз болады деп ойлаймын, — деп түйіндеді Тоқаев.
