Серік Жұманғарин вице-премьер және сауда министрінің міндетін атқарады

Ол бәсекелестікті қорғау және дамыту агенттігінің төрағасы лауазымынан босатылды.

Серік Мақашұлы Жұманғарин Қазақстан Республикасы премьер-министрінің орынбасары – сауда және интеграция министрінің міндеттерін атқарушы болып тағайындалсын, ол Қазақстан Республикасының бәсекелестікті қорғау және дамыту агенттігінің төрағасы лауазымынан босатылсын, — делінген жарлықта.

Айта кетейік, бұған дейін бұл қызметті Бақыт Сұлтанов атқарды. Президент Тоқаев бүгін,  15 тамызда оны қызметінен босатты.