Арыстанбек Мұхамедиұлы тағы бір ай қамауда болады

Қаржы жымқыру күдігіне іліккен ҚР Ұлттық музейі директоры және бұрынғы ҚР Мәдениет және спорт министрі Арыстанбек Мұхамедиұлын қамауда ұстау мерзімі ұзарды.

Бұл туралы Нұр-Сұлтан қалалық соттың баспасөз қызметі мәлімдеді.

Тергеу соты Арыстанбек Мұхамедиұлын қамауда ұстау мерзімін 1 айға, яғни 26 тамызға дейін созу жөнінде шешім қабылдады, — деді ведомство баспасөз қызметі өкілдері.

ҚР Ұлттық музей директоры Арыстанбек Мұхамедиұлы 28 мамыр күні сот санкциясымен қамауға алынған еді.

Оған қатысты «Алтын адамның әлем музейлеріне шеруі» халықаралық көрмесін өткізу кезінде 146 миллион теңге бюджет қаражатын жымқыру белгілері бойынша соталды тергеу жүріп жатыр.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз