Бұл туралы Ақорданың баспасөз қызметі хабарлады.
Телефон арқылы әңгімелесуге Украина тарапы бастама болған. Қасым-Жомарт Тоқаев пен Владимир Зеленский екі ел арасындағы дипломатиялық қатынастардың 30 жылдығымен құттықтады.
Қасым-Жомарт Тоқаев осы кезең ішінде экономикалық және гуманитарлық салалардағы екіжақты ынтымақтастықты дамытуда маңызды әрі оң нәтижелерге қол жеткізілгенін айтты.
Қазақстан президенті БҰҰ-ның көмек көрсетуімен Украина астығын экспорттау жөніндегі Түркияда қол жеткізілген үшжақты келісімге оң баға берді.