Алматы облысында үш демалыс орнын су басты

Алматы облысында толассыз жауған жаңбырдан үш демалыс орнын су басты. Бұл туралы облыстық төтенше жағдайлар департаментінің баспасөз қызметі хабарлады.

Ақпаратқа сәйкес, 13 шілдеде сағат 18:00 шамасында Ұйғыр ауданында нөсерлі жауын-шашын салдарынан «Шонжы-Қалжат» автожолының 55-шақырымында биіктігі шамамен 5-10 сантиметр болатын сел жүрді.

Үш демалыс аймағының ауласын су басты, ал тұрғын үй-жайлар мен ғимараттарда су басу тіркелген жоқ. Қазір жауын-шашын тоқтады, су деңгейі төмендеді, — делінген хабарламада.

Қазіргі уақытта оқиға орнында Алматы облысы төтенше жағдайлар департаменті және жергілікті атқарушы органдардың қызметкерлері жұмыс істеп жатыр.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз