Басшылық қызметке алғаш тағайындалған мемқызметкерлер Алматы изоляторында болды

Мемлекеттік басқару академиясының Алматы филиалының бастамасы бойынша алғаш рет басшылық лауазымдарға тағайындалған мемлекеттік қызметшілерді қайта даярлау курсы аясында ЛА 155/18 түзеу мекемесіне экскурсия жүргізілді.

Аталған іс-шара қаланың сыбайлас жемқорлыққа қарсы қызметінің қолдауымен ұйымдастырылды.

Экскурсия барысында қатысушылар тергеу кабинетіне, тексеру бөлмесіне, кітапханаға және серуендеуге арналған аумаққа тар дәліздерді аралап шықты. Тұтқындар отыратын камералар да көрсетілді.

Іс-шара мемлекеттік қызметшілер үшін моральдық қағидаттар мен қолданыстағы заңнамалардан аулақ болу үшін алдын алудың пәрменді тетігі болып табылады.

Фото: Алматының сыбайлас жемқорлыққа қарсы қызметі

Мұндай тәжірибені әрбір адам, мейлі ол басшы болсын, қатардағы қызметкер болсын, сыбайлас жемқорлық құқық бұзушылық жасалған жағдайда оның қандай салдары болатынын анық түсініп, сезінуі үшін тұрақты негізде қолданғымыз келеді, — деді академия филиалының директоры Әйгерім Әбілова.

Соңында келушілер экскурсиядан алған әсерлерімен бөлісіп, көргендері оларға қатты әсер еткенін айтты.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз