Кәсіпкер әйелдер Талдықорған студенттеріне бизнестегі құпияларын ашты    

Талдықорған жоғары политехникалық колледжінде «Табысты адамдар құпиясы» атты кәсіпкерлермен кездесу өтті.

Кездесу мақсаты білімгерлердің бойында кәсіпкерлік туралы білім қалыптастыру арқылы заман талабына сай маман болуға дұрыс бағыт бағдар беру, кәсіпкерлік еңбекке баулу.

Студенттермен табысты оқиғаларымен кәсіпкерлер – Қазақстанның Үздіксіз білім беру қауымдастығының облыстық филиалының директоры, облыстық Кәсіпкерлер палатасының Өңірлік кеңесінің мүшесі, «Ясли-сад НурГазиз» ЖШС директоры Роза Егінбаева, «Өмеш» өнер орталығының директоры Айнаш Рыскельдинова бөлісіп, сұрақтарға жауап берді. Алматы облысы Кәсіпкерлер палатасының «Адами капиталды дамыту» бөлімінің сарапшысы Айдын Астаубаев кәсіпкерлікті ашу мен мемлекеттік қолдау шараларын түсіндіріп өтті.

Сонымен қатар Талдықорған жоғары политехникалық колледжінің орыс тілі мен қазақ тілі пәндерінің оқытушысы Зәмзәгүл Есболатова, Талдықорған жоғары политехникалық колледжінің «Стартап» академиясының меңгерушісі Жігер Берліғожа мен студенттер сөз сөйлеп, іске асырылып жатқан жобалар туралы әңгімеледі.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз