Қазақстандықтар шілдеде қанша күн демалады?

Шілдеде қазақстандықтар 11 күн демалады. Аптасына бес күн жұмыс істейтін қазақстандықтар үшін биыл шілде айында 20 жұмыс күні және 11 демалыс күн болады.

Алты күн жұмыс істейтіндерге 25 жұмыс күні және алты демалыс күні болады.

Шілдеде қазақстандықтар екі мерекені – Астана күні және Құрбан айт атап өтеді. Биыл Астана күні — 6 шілде, яғни сәрсенбіге келеді. Бұл ретте демалыс күндер басқа күнге ауыстырылмайды.

Осылайша, қазақстандықтар бес күндік жұмыс аптасында да, алты күндік жұмыс аптасында да бір күн, яғни 6 шілдеде демалады.

Мұсылман күнтізбесі бойынша Құрбан айттың бірінші күні сенбі, 9 шілдеге келеді. Бұл күн демалыс күні болған соң әрі сенбіге түсетіндіктен, басқа күнге ауыстырылмайды.

Айта кетері, биыл жалпы 245 жұмыс күні, 106 демалыс және 14 мереке күні бар.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз