Ақтау жағалауындағы «Итбалық» нысаны бүліне бастады

Ақтау жағалауындағы "Итбалық" нысаны бүліне бастады. Қалалық әкімдік өкілі бұл нысан ТКШ бөлімінің тапсырысы бойынша орнатылғанын айтты.

Бұл туралы Lada.kz сайты хабарлады.

Жағалаудағы демалушылар «Итбалық» сәулет нысаны бүліне бастағанын байқаған.

Сыртқы көрінісіне қарасақ, сәулет нысаны өте әлсіз. Ата-аналар балаларына өрмелеп, секіруге қалай рұқсат беретінін түсіне алмаймын. Тағы біраз уақыттан кейін бұл нысанды есептен шығара беруге болады. Бұл — көрнекті орын, оған дұрыстап қарау керек, — деді жергілікті тұрғын Бауыржан.

Қалалық әкімдік мәліметінше, нысанды ТКШ бөлімінің тапсырысы бойынша Clover Media ЖШС орнатқан. Мердігерге кемшіліктерді түзету тапсырылған.

Сәулет нысаны Ақтау жағалауында 2022 жылғы қаңтардың аяғында орнатылған болатын.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз