Жетісу облысына әкім болып Бейбіт Исабаев тағайындалды

Жаңадан құрылған Жетісу облысына әкімі болып Бейбіт Исабаев тағайындалды. Бұл туралы Ақорда сайты хабарлады.

Бейбіт Өксікбайұлы Исабаев Жетісу облысының әкімі лауазымына тағайындалсын, оның Қазақстан Республикасы парламенті сенатының депутаттық өкілеті тоқтатылсын, — делінген хабарламада.

Үкімет басшысы депутаттарға ҚР президентінің Жетісу облысының әкімі лауазымына Бейбіт Исабаев пен Бағдат Қарасаевтың кандидатураларын қарауға енгізу туралы хатын оқып берді.

Ашық дауыс беруге 141 депутат қатысты. 106 депутат Бейбіт Исабаевтың кандидатурасына, 35 депутат Бағдат Қарасаевқа дауыс берді.

Бейбіт Исабаев бұған дейін ҚР парламент сенатының депутаты болған.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз