Елімізде демалыс күндері 37 градусқа дейін ыстық болады

"Қазгидромет" РМК синоптиктері 4, 5 және 6 маусымға арналған ауа райы болжамын жариялады.

Синоптиктер мәліметінше, атмосфералық фронтальды бөліктер өтуіне байланысты республиканың барлық аумағында ауа райы тұрақсыз болады.

Жаңбыр жауады. 5 маусымда республиканың шығысы мен орталығында найзағай ойнап, жел күшейіп, бұршақ жаууы мүмкін. Соған қарамастан, батыста 22-33 градус жылы, оңтүстік-батыста 29-37 градус жылы, солтүстік-батыста 15-25 градустан 20-33 градусқа дейін жылы болады, — делінген хабарламада.

Еліміздің солтүстігінде, шығысында және орталығында күндіз термометр бағаны 15-26 градусқа дейін жылы, республиканың оңтүстігінде 27-37 градусқа дейін жылы болады, ал Қазақстанның оңтүстік-шығысында температура 22-32 градусқа дейін көтеріледі.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз