Оралда ер адам полиция бекетіне шабуыл жасады

Оралда ер адам полиция пунктіне шабуыл жасады. Бұл үшін оған әкімшілік хаттама толтырылды.

Бұл туралы «Мой ГОРОД» басылымы хабарлады.

Оқиға видеосын Tik Tok қолданушысы жариялады. Кадрларда ер адам орталық базар аумағында орналасқан стационарлық полиция бекетінің әйнегін кірпішпен я таспен ұрады. Кейінірек оны басқа бір адам сабырға шақырып, алып кетеді.

Полиция өкілдері видеоға қатысты түсінік берді.

9 мамырда сағат шамамен 9.30-да 1978 жылғы ер адам Нұрпейісова көшесінде мас күйде полицияның стационарлық пунктіне кірпішке ұқсас затпен зақым келтіріп, айналасындағыларға құрметсіздік көрсетті, қоғамдық тәртіп пен жеке тұлғалардың тыныштығын бұзды. Құқықбұзушылық жасағаны үшін ҚР ӘҚБтК-нің 434-бабы «Ұсақ бұзақылық» бойынша әкімшілік хаттама толтырылды, — деп хабарлады БҚО полиция департаментінің баспасөз қызметі.

Полиция ер адам неге мұндай әрекетке барғанын түсіндірмеді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз