Тергеуді қаржы мониторингі агенттігінің Алматы бойынша департаменті жүргізді.
Тергеу барысында компанияның бұрынғы қаржы директоры 2018 жылдың ақпанынан 2021 жылдың сәуіріне дейінгі аралықта 5 компанияның есепшотына ақша аудару арқылы қаражат ұрлаған. Сонымен қатар өзіне жалпы сомасы 467 миллионнан астам теңгені құрайтын аванс бергені анықталды, — делінген ақпаратта.
Ол ұрланған ақшаны Алматыдағы букмекерлік кеңселерде жұмсаған.
Сот үкімімен Мади Шөкей қылмыстық кодекстің 189 бабы 4-бөлігі 2-тармағы («сеніп тапсырылған бөтен мүлікті иемденіп алу немесе талан-таражға салу») бойынша кінәлі деп танылып, 7 жыл мерзімге бас бостандығынан айыру жазасына кесілді.
Сонымен бірге ол 10 жыл бойы қаржылық жауапкершілікке байланысты қызметті атқару құқығынан айырылды.
