Қаңтар оқиғасы: Алматы әуежайының жарығын өшірген адам ұсталды

Қаңтар оқиғасы кезінде Алматы әуежайының жарығын өшірген ер адамға қатысты тергеу басталды. Бұл туралы бас прокуратураның бірінші қызмет басшысының орынбасары Елдос Қилымжанов айтты.

Оның айтуынша, 5 қаңтар күні Н. есімді азамат бір топ адаммен бірге Алматы әуежайының ұшу-қону жолағының жарығын өшірді.

Ол өзінің әрекетімен стратегиялық объектінің қызметін тоқтатты, нәтижесінде ұшақтар жолаушылармен ұшып кете алмады және токтан ажыратылған ұшу-қону жолағында 10 сағаттан артық тұруға мәжбүр болды. Осы уақытта қарулы топ Алматы әуежайының ғимаратын қиратып, тонады, — деді Елдос Қилымжанов орталық коммуникациялар қызметінде өткен брифингіде.

Қазіргі кезде «Н»-нің іс-әрекеттері қылмыстық кодекстің 255-бабы — терроризм актісі бойынша сараланып жатыр. Оның қылмысы жиналған дәлелдемелермен расталады.

Қаңтар оқиғасының ұйымдастырушылары мен қатысушыларын анықтау және оларды жауапкершілікке тарту жұмыстары жалғасып жатыр, — деді Елдос Қилымжанов.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз