Прокуратура Қайрат Құдайберген туралы: «Дикий Арманның» айналысына бірігуге үндеді

Алматы прокуратурасы мәслихат депутаты Қайрат Құдайбергеннің қаңтар оқиғасы бойынша нақты қандай себеппен ұсталғанын хабарлады.

Ведомствоның хабарына қарағанда, 2022 жылғы 21 сәуірде бас прокуратураның арнайы прокурорларының басшылығымен ведомствоаралық жедел-тергеу тобы жаппай тәртіпсіздіктерді ұйымдастыру мен оған қатысты деген күдікпен 1983 жылы туған Қайрат Құдайбергенді ұстады.

Қайрат Құдайберген Алматы полиция департаментінің уақытша ұстау изоляторына қамалған.

Алдын ала тергеумен Қайрат Құдайберген Арман Жұмагелдиевпен («Дикий Арман» деп аталатын) бірге «Қазақстан» қонақ үйінде адамдар жинауды ұйымдастырып, Жұмагелдиевтің айналасына бірігуге, оны қолдауға және биліктің бірыңғай талаптарын ұсынуға шақырғаны, сонымен бірге адамдарды 10 адамнан «ұяшықтар» бойынша бөліп және олардың топтарының ерекшеліктерінің белгісі ретінде қолдарына ақ таңғыштарды таңуға нұсқау бергені анықталды. Содан кейін Құдайберген мен Жұмагелдиев жинаған топ алаңға шығып, Жұмагелдиев төңірегіндегі митингілерді біріктіруге, алаңда жедел штаб ұйымдастыруға және билік алдында бірыңғай талаптар қоюға тырысқан, — делінген хабарламада.

Алматы прокуратурасы Құдайберген-Жұмагелдиев ұйымдастырған бұл заңға қарсы акция жаппай төбелеске ұласқанын да хабарлады.

Ал Қайрат Құдайбергеннің жаппай тәртіпсіздіктерді ұйымдастыруы мен оған қатысуы «Қазақстан» қонақ үйіндегі, Жұмагелдиев тобының ұсталған қатысушыларының ұялы телефондарынан алынған видеожазбалар, куәгерлердің айғақтары бойынша расталып отыр.

Еске салайық, бұған дейін Алматы мәслихатының депутаты, блогер Қайрат Құдайбергеннің қаңтар оқиғасы бойынша күдікті ретінде ұсталғаны хабарланған еді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз