Шымкент әуежайына «жарылғыш зат қойылды» деген хабар тарады

Шымкент қалалық әуежайына жарылғыш зат қойылды деген ақпарат жалған болып шықты. Бұл туралы полиция департаментінің баспасөз қызметі хабарлады.

7 сәуір күні Шымкент стансасындағы полицияның желілік бөлімінде аталған факт ҚР қылмыстық кодексінің 273 бабына сәйкес «Лаңкестік акт туралы жалған хабарлама тарату» ретінде тіркелді, — делінген хабарламада.

Хабарламаға сәйкес, қазір тергеу амалдары жүріп жатыр. Сонымен қатар, ҚР қылмыстық-процессуалдық кодекстің 201 бабына сәйкес тергеу басқа ақпарат таратуға жатпайды.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз