Биыл фестиваль Алматыда 7-11 қыркүйек аралығында өтеді және төрт бағдарламадан тұрады:
* Негізгі конкурс (көркем және деректі халықаралық қысқаметражды кино);
* Ұлттық байқау (көркем және деректі қысқаметражды кино);
* Музыкалық видео байқауы (клипмейкерлерге);
* Анимациялық байқау.
Негізгі байқауға және музыкалық видео байқауына қатысушылар 2022 жылдың 1 шілдесіне дейін тіркеле алады.
Ұлттық және анимациялық байқауларға қатысқысы келетіндердің дедлайны — 2022 жылғы 1 тамыз.
Фестиваль ұйымдастырушылары негізгі байқауға 2021-2022 жылдары ТМД және Грузия кинематографистері түсірген, ұзақтығы 30 минутқа дейін және кинотеатрда көрсетуге техникалық жағынан жарамды қысқаметражды көркем және деректі фильмдер қабылданатынын айтты.
Ұлттық конкурсқа Қазақстан кинематографистері 2021-2022 жылдары түсірген, ұзақтығы 30 минутқа дейін және кинотеатрда көрсете алатындай қысқаметражды көркем, деректі фильмдер қабылданады.
Музыкалық видео байқауына қатысуға 2021-2022 жылдары ТМД елдерінің кинематографистері түсірген кинотеатрдан көрсетуге техникалық жағынан жарамды видеоклиптер қабылданады.
Анимациялық байқауға қатысуға 2021-2022 жылдары қазақстандық кинематографистер түсірген, ұзақтығы 30 минутқа дейін қысқаметражды фильмдері қабылданады. Жұмыс кинотеатрдан көрсететіндей деңгейде болуға тиіс.
Қатысуға өтініш беру үшін фестивальдің ресми сайтында электрон форманы толтыру қажет.
