Бейжің олимпиадасына барлығы 34 спортшы барды. Қазақстан құрамасында ең жақсы нәтиже көрсеткен шорт-тректен Абзал Әжіғалиев болды. Ол финалда мәреге 4-ші болып келді. Спортшыны Қасым-Жомарт Тоқаев жеке құттықтады.
Айта кетейік, биыл Қазақстан құрамасының формасы олимпиададағы ең әдемі спорттық киім үлгісі ретінде танылды. Жалпы Қазақстан спортшыларының дайындығына 400 миллион теңге кетті.
Олимпиада қорытындысында медаль саны бойынша бірінші орында Норвегия, екінші орында Германия, үздік үштікті Қытай түйіндеді.
