Алматыда 2022 жылғы 4-7 қаңтар аралығында жаппай тәртіпсіздіктер кезінде 75 «сергек» кешені, бұл 304 видеокамера, сонымен бірге РТРК ғимаратында орналасқан орталық байланыс орталығы, антенна және желілік жабдық істен шықты.
Барлық зақымдалған камера мен жабдық қалпына келтірілді.
Жеке ТОБЖ арналарына қосылуға арналған жеке жүйесі бар 1 103 камераны қамтитын “Бейнебақылау жүйелері” жобасы бойынша жаппай тәртіпсіздіктер кезінде 283 камера, сонымен бірге шкафтар мен тарату жабдықтары істен шыққан. Қазіргі уақытта видеокамералар мен зақымданған қондырғылар қалыпты жұмыс істеп тұр.
Алдағы уақытта 3 мың бейнебақылау камерасы орнатылады. Қала тұрғындарының қауіпсіздік шараларын ұйымдастырудың маңызды жобасы бірыңғай бейнебақылау жүйесі болмақ. Егер бұрын тек жол қозғалысы қауіпсіздігінің жай-күйі ПД ЖБО арқылы бақыланса, 2020 жылдан бастап орталық азаматтардың көп жиналатын жерлеріндегі, аулалардағы және аулаларға, полиция пункттеріне іргелес аумақтардағы қозғалыс мәртебесіне ене бастады. Алдағы 2 жылда қаладағы барлық жағдайды көру үшін камераларды сауда орталықтарымен және басқа да жеке меншік нысандарымен біріктіруді жоспарлап отырмыз, – деді Алматы полиция департаменті ақпараттандыру және байланыс басқармасының бастығы Ольга Агафонова.
