Кинокөрсетілім бір минут үнсіздікпен басталды. Іс-шара қатысушылары тәуелсіз Қазақстан тарихындағы қанды оқиға құрбандарын еске алды. Алғашқы көрсетілім барысында сарапшылар фильм туралы өз пікірлерін бөлісті.
Кинотуынды 26 қаңтар күні сағат 20.30-да «Хабар» телеарнасынан көрерменге жол тартады.
Бұл — өзім үшін өте маңызды әрі өте қажет фильм. Алматыда болған оқиғаларды өз көзіммен көрдім, қаңтардың 4-нен 5-не қараған түні алаңда болдым. Фильмнің оқиға қалай болғанын емес, неге болғанын ашатын екінші бөлімін күтемін. Менің ойымша, оқиғалар желісін халыққа егжей-тегжейлі баяндаған «Хабар» агенттігі қаңтардың басында біздің елде болған қайғылы оқиғаның шынайы тарихын көруге мүмкіндік бере алды, — деді журналист Денис Кривошеев.
Ал ҚР президенті жанындағы Қазақстан стратегиялық зерттеулер институтының бас сарапшысы Никита Шаталовтың сөзінше, фильм оқиғаның шын мәнінде қалай болғанын көрсетеді.
Фильм бізге ресми жаңалықтардың негізді екенін аңғартады. Оқиғаның шын мәнінде қалай болғанын көрсетеді. Туынды Алматы және басқа қалаларда болған жағдай туралы алғашқы күндері алған ақпараттың растығын дәлелдейді, — деді Никита Шаталов.
Деректі фильм оқиғаның басталуы, шарықтау шегі мен аяқталуы туралы баяндайтын кадрлардың үзінділерінен тұрады. Жаңа жылдан кейін елімізде болған жағдайды суреттейтін деректі фильмінің сюжеттік желісі оқиғаларының толық хронологиясына негізделген. Фильм қаңтар оқиғасының бір тізбек арқылы байланысқан, бір орталықтан үйлестірілген террористердің әрекеті екенін аңғартады.
