Ақтөбе облысында төтенше жағдай режимі алынады

Ақтөбе облысында төтенше жағдай ертең, 16 қаңтардан бастап күшін жояды. Президенттің тиісті жарлығы Ақорданың сайтында жарияланды.

«Ақтөбе облысында төтенше жағдайды енгізу туралы» Қазақстан Республикасы президентінің 2022 жылғы 5 қаңтардағы №738 жарлығымен енгізілген Ақтөбе облысының шекараларындағы төтенше жағдайдың күші 2022 жылғы 16 қаңтардағы 07 сағат 00 минуттан бастап жойылсын, — делінген құжатта.

Еске салайық, Қазақстанның барлық өңірінде төтенше жағдай террористік қауіпке байланысты тұрғындарының қауіпсіздігі үшін 5 қаңтардан 19 қаңтарға дейін енгізілген еді.

Президент бұған дейін Ақмола, Батыс Қазақстан, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан облыстарындағы және Шымкенттегі төтенше жағдай режимін алып тастады.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз