Шымкентте және тағы үш өңірде төтенше жағдай бітеді

Президент Қасым-Жомарт Тоқаев Шымкентте және Шығыс Қазақстан, Қарағанды, Түркістан облыстарында төтенше жағдайдың күшін жою туралы жарлыққа қол қойды.

Шымкентте, Шығыс Қазақстан, Қарағанды және тҮркістан облыстарында төтенше жағдайды енгізу туралы» Қазақстан Республикасы президентінің 2022 жылғы 5 қаңтардағы №734 №739 №741 №742 жарлықтарымен енгізілген төтенше жағдайдың күші 2022 жылғы 14 қаңтардағы 18 сағат 00 минуттан бастап жойылсын, — делінген құжатта.

Төтенше жағдай Қазақстанның барлық өңірінде террористік қауіпке байланысты тұрғындарының қауіпсіздігін қамтамасыз ету мақсатында 5 қаңтардан 19 қаңтарға дейін енгізілген еді.

13 қаңтардан бастап Батыс Қазақстан, Павлодар, Солтүстік Қазақстан облыстарында төтенше жағдай аяқталды.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз