Алматыдағы тәртіпсіздік: қаза болған 4 жасар қыздың әпкесі жан сақтау бөлімінде

Алматы әкімі Бақытжан Сағынтаев қаладағы тәртіпсіздік кезінде қаза болған 4 жасар Айкөркем Мелдеханның отбасына барды.

Алматы әкімі орны толмас қайғыға байланысты марқұм қыздың әкесі Айдос Мелдіханұлы мен анасы Динара Адамоваға  көңіл айтты.

Тәртіпсіздік кезінде 4 жасар Айкөркем қайтыс болды, ал оның 15 жасар әпкесі Жәнел жарақаттанған, қазір жан сақтау бөлімінде жатыр.

Бақытжан Сағынтаев Жәнелдің сауығып кетуін, ата-анасына төзімділік пен шыдамдылық тіледі.

Қала әкімі отбасына материалдық көмек берілетінін айтты. Сонымен бірге көпбалалы отбасы 3 бөлмелі пәтер беріледі.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз